 Ferhengê Tirkî-Kirmanckî (Zazakî) Vejîya
Nivîskar: rizgarionline Di: 22.05.2009 Sehet: 23:13
Ji aliyê rizgarionline
 Çapa hîrêyine ya hîrakerdîye ya Ferhengê Tirkî-Kirmanckî (Zazakî) yê ke hetê Grûba Xebate ya Vateyî ra amade beno, Weşanxaneyê Vateyî ra vejîyaye. Na çapa ferhengî, netîceyê şîyês (16) kombîyayîşanê Grûba Xebate ya Vateyî ya. Nê ferhengî de, tena formê standardan ê çekuyan, yanî kelîmeyanê kirmanckîyan estê..
Çapê verênî yê ferhengî di qismî bîy, qismo verên tirkî-kirmanckî (zazakî), qismo peyên kirmanckî (zazakî)-tirkî bi. La na çape tena qismê tirkî-kirmanckî yo.
 Grûba Xebate ya Vateyî ya ke no ferheng amade kerdo, grûbêka kurdanê kirmancan a. Kesê ke na grûbe de yê, şaristan û cayanê cîya-cîyayan ê Kurdîstanê Bakûrî ra yê û serra 1996 ra nata seba pawitiş, standardîzekerdiş, averberdiş û geşkerdişê lehçeya kirmanckî (zazakî) xebitîyênî. Endamê na grûbe çarçewaya na xebate de serre di reyke kom benê. Nê kombîyayîşan de, her rey tayê qaydeyanê gramerê na lehçe tesbît kenê, çekuyan û termanê babetêk ser o munaqeşe kenê. Peynî de, sey meylê grûbe, yew formê çekuye yan zî termî se standard qebul kenê.
Netîceyê kombîyayîşanê Grûba Xebate ya Vateyî, kovara Vateyî de zî yenê weşanayîş (neşr benê). Hetanî nika 32 hûmarê na kovare weşanîyayê. Hewna, hetê na grûbe ra yew zî kitabê îmla bi nameyê Rastnuştişê Kirmanckî (Zazakî) weşanîyayo. Heto bîn ra, çarçewaya xebata geşkerdişê kirmanckî de hetanî nika hetê Weşanxaneyê Vateyî ra 28 tene kitabê kirmanckî weşanîyayê.
Hetê Grûba Xebate ya Vateyî ra xebata standardîzekerdişê kirmanckî û hetê Weşanxaneyê Vateyî ra zî xebata weşanayîşê kitabanê kirmanckî dewam kena.
Adresa waştişî:
Weşanxaneyê Vateyî
Katip Mustafa Çelebi Mahallesi, Tel Sok. No: 18 Kat: 3
Beyoğlu – İstanbul
Tel: 0 212 244 94 14
e-post: wesanxaneyevateyi@hotmail.com
Seba Dîyarbekirî Adresa Waştişî:
Vate Dergisi Diyarbakır Bürosu
Lise 2. Sokak Adalet Apt. Kat:1 No:3
Yenişehir / Diyarbakır
Tel: 0 412 223 03 69
 Li ser kaxezê çap bike  Nûçeyê ji hevalê xwe re bişîne 510 car hatiye xwandin.
|
|
| |
|
|
Puan liserhev: 5
Deng: 1
|
|
|
 |
|
