Rizgari - Ûnîversîteya Bilgi doh bi awayek fermî dest bi dersên kurdî kir

Rizgarî Online / Li Tirkiyê cara yekem zîlê dersan herçiqas derengmayî be jî, li hember asîmîlasyona nijadperestiya-kemalîst, ji bo zimanê kurdî lêxist. Doh, li Ûnîversîteya Bilgi, bi awayek fermî dest bi dayîna zimanê kurdî hate kirin. Li gor nûçeya Tuğba Tekerek'a rojnamevana Taraf'ê ev agahî tên dayîn: "Xwendevanên tevlî dersa kurdî bûne û mamoste Ronahî Önen dane xwûyakirin ku, "heta beriya çend salan, xeyalkirina vê yekê jî ne mimkûn bû, lê îro bûye perçeyek rastî a vê xewnê."

Xwendevanek kurd, li ser sedemê bêşdarbûyîna xwe ya dersên kurdî weha diaxife:" Ji ber ku ez şerma 'zimanê dayîka xwe nizane' ji holê rakim, têm dersên kurdî". Herweha, xwendevanek tirk jî, hestên xwe weha dide eşkerekirin: "ji ber ku ez bi cîranên xwe yên kurd re bikevim danûstandinê, min serî li dersên kurdî daye."

Xwendevanek din dibêje ku "îdeolojiya fermî bi salan digot: "kurd tûne ye". sedemê hatina min, reaqsiyona li hember vê dîtinê ye û ji ber vê yekê dixwazim kurdî fêrbibim."

Ji zimanek 'çêkirî' ber bi fermîyetê ve..

Xwendevanê ku xwediyê daxwaznameya ji bo li ûnîversîteyan dersên kurdî bê dayîn, Sinan Erçin'ê şagirtê çîna dawîn ya Beşa Têkiliyên Navnetewî jî, tevlî van dersan dibe.

Erçin'ê ji gûndê Aşağı Yorgancı'ya Wanê diyar dike ku, "fermîbûna kurdî, wê piştgirî bide aşitiyê û hestên kurdan yên aîdiyeta vî welatî zexmtir bike."

Herweha Erçin, dibê je ku :"dema ew li dibistana navîn bû, mamoseyê wî yê dersa 'Zanîna Hemwelatîyê'-Vatandaşlık Bilgisi, ji bo kurdî peyva 'zimanek çêkirî' bikardianî".

Erçin, bîranînek xweyî din jî weha tîne ziman: "Polêsan, di deftera xwendevanekî de, helbestek kurdî dîtibûn û ew rûpel bi hêrs çirandibûn û bi xwendevan dabûn cûtin û daqûltandin."

RO/Cemil Süphan
Wergera Kurdî/Yado Ciwan